Святитель Антоний (Смирницкий), архиепископ Воронежский и Задонский (1846)
Житие святителя Антония (Смирницкого), архиепископа Воронежского и Задонского (1846)
Наставления святителя Антония (Смирницкого), архиепископа Воронежского и Задонского
Акафист святителю Антонию, Воронежскому и Задонскому чудотворцу
Тропарь святителю Антонию, Воронежскому и Задонскому чудотворцу, глас 8
Православия наставниче, чистоты зерцало, монашескаго жития ревнителю и нищих питателю, отеческаго попечения о пастве твоей добрый образе, от юности себе смиривый и десницею Христовою в славу святых возвышенный, земли Воронежския украшение, Антоние отче наш, в трудех святительских Митрофану и Тихону поревновавый, /с нимиже в небесех ныне ликуя, молися Спасу всех даровати мир и душам нашим велию милость.
Кондак святителю Антонию, Воронежскому и Задонскому чудотворцу, глас 3
От юности твоея всего себе Господеви предал еси в пещерах Киевских богомудренно пребывая, и оттуду во епископа пастве Воронежстей поставленный, святителю Христов Антоние всечестне, в трудех, бдениих и молитвах добле подвизался еси, И тако во смирении достиг добродетелей совершенства и Церкви Святей истинного послушания, паки в Небесныя Обители вселился еси, с великими во святых Митрофаном и Тихоном, предстоя Престолу Христову, Владыку Спаса всех моли, оставление грехов получити и велию милость.
Величание
Величаем, величаем тя, святителю отче наш Антоние, и чтим святую память твою, ты бо молиши о нас Христа Бога нашего.
Молитва
О, святителю Христов, отче Антоние, светило преславное земли Воронежския! Скорый помошниче всем с верою к тебе притекающим, услыши ныне наш вопль сердечный, к тебе возносимый. Исходатайствуй нам вечное спасение и прощение множества грехов наших. Молися прилежно, да помиловани будем, и Царствия Небеснаго наследницы явимся. Таже и в многоразличных скорбех и нуждах наших помози нам: болящия исцели, обидимыя защити, печальныя возвесели, о Державе Российстей и людех ея молитву теплую сотвори. Егда же приблизится время скончания земнаго жития нашего, моли, да не без покаяния и причащения Святых Христовых Таин отыдем, да неосужденно предстанем Царю Славы, грозному Судии всех и да сподобимся со всеми святыми славити Единаго Истиннаго Бога, Отца и Сына и Святаго Духа, во веки веков. Аминь.
