13 июля - день памяти преподобного Илариона Троекуровского

 

Житие преподобного Илариона, затворника Троекуровского

Духовные наставления преподобного Илариона Троекуровского

Акафист преподобному Илариону, затворнику Троекуровскому

 

Тропарь преподобному Илариону Троекуровскому

глас 5

Нищету Христову возлюбивши, дом и сродники твоя оставил еси, преподобне отче наш Иларионе, тем же приял еси мзду трудов твоих на небесех, идеже ликуя со ангелы, моли спастися душам нашим.

Кондак преподобному Илариону Троекуровскому

глас 8

Днесь светло ликует обитель Троекуровская, яко множество скорбящих обретает утешение, на твоя молитвы надеющееся, преподобне Иларионе всеблаженне, ты бо еси земли Липецкой похвало и утверждение.

Молитва преподобному Илариону Троекуровскому

О, предивный угодниче Божий, преподобне и Богоносне отче наш Иларионе, Троекуровский затворниче и чудотворче, земли Липецкия славо и похвало! Чрез все житие твое неуклонно Богу последовав, любве ради к Нему мнози подвизи, скорби и болезни понесл еси и еще на земли храм честен Святаго Духа чистотою души твоея соделался еси. Темже дар рассуждения и совета, дар прозорливости, дар изцеления и чудотворения еще в земной твоей жизни в изобилии от Господа приял еси. Ведуще велие твое пред Богом дерзновение, с верою и любовию к тебе притекаем и усердно молим тя: испроси у Господа Вседержителя миру умирение, жития христианскаго на Руси утверждение, от глада и пагубы избавление, душам же нашим спасение. Умоли Всещедраго Владыку, да угасит пламень страстей наших и низпослет росу благодати Своея на иссохшия сердца наша, да и мы молитвами твоими плод духовный принесем и сподобимся странствие земное непостыдно скончати и в Отечестве Небеснем часть со святыми улучити, да славим и поем Всесвятое имя Отца, и Сына, и Святаго Духа, во веки веков. Аминь.