Молитвы, каноны, акафисты

Глаголы моя внуши, Господи, разумей звание мое. Вонми гласу моления моего, Царю мой и Боже мой, яко к Тебе помолюся, Господи. Заутра услыши глас мой, заутра предстану Ти, и узриши мя. (Пс. 5, 2—4.)
Множества содеянных мною лютых помышляя, окаянный, трепещу страшнаго дне суднаго; но надеяся на милость благоутробия Твоего, яко Давид вопию Ти: помилуй мя, Боже, по велицей Твоей милости.
Всяко моего рыдаю жития сквернаго, и множества безмерных моих зол: что же исповем ти Чистая, недоумею и ужасаюся: но помощи ми Владычице. Пресвятая Богородице, спаси нас.
Аз есмь пучина греха и блато всякия нечистоты, аз есмь хранилище всех злых и безместных деяний: увы мне, увы мне, Боже мой, увы мне, Творче и Создателю мой, увы мне, Свете души моея! Что возглаголю Ти, удаливший себе от лица Твоего, или что реку Ти, отвергший себе от очию света Твоего? Преступих бо заповедь Твою, якоже и Адам исперва, и николиже принесох Ти жертвы покаяния; ныне же, познав падение свое, из глубины души моея в покаянии зову Ти, Милостиво: Помилуй мя, Господи Боже мой, и к покаянию призови мя, падшаго.
Чтение на утрени четверга (в среду вечером) пятой седмицы Великого поста.
Акафист Божией Матери, читаемый в храме в Субботу Акафиста.