Священномученик Уар (Шмарин), епископ Липецкий (1938)

Житие священномученика Уара (Шмарина), епископа Липецкого

Просветительское служение священника Петра Шмарина в приладожской пограничной Карелии, 1910-1918 г.

Статья "Жизнь за Христа"

Канон с акафистом священномученику Уару, епископу Липецкому

Тропарь священномученику Уару, епископу Липецкому

глас 4
Иже во святых мученик Твоих, служитель Алтаря Господня верный, даже до крови за Христа подвизался еси, молитвенниче наш усердный. Сего ради Престолу Царя Славы предстоиши, но и нас не забывай, творящих память твою, священномучениче Уаре.

Кондак священномученику Уару, епископу Липецкому

глас 3
Пастыреначальнику Христу подражая, за врученное ти стадо душу свою положил еси, Уаре, архипастырю и мучениче, молитвами твоими паству твою соблюди невредиму от всех навет вражиих, да зовем ти: Радуйся, священномучениче Уаре, архипастырю наш пречудный и покровителю края Липецкаго.

Молитва священномученику Уару, епископу Липецкому

О, священная главо, архипастырю предобрый словеснаго стада своего, Новомучениче Христов Уаре, теплый и неусыпный о нас заступниче в скорбех и бедах и во всяких нуждах! Услыши нас грешных и недостойных, молящихся тебе, испроси нам веры православныя утверждение, на всеблагое Божие промышление надежды укрепление, любви к Богу и ближним нашим умножение, мудрости небесныя снискание. Да пребудет щедрое благословение Царя Славы, Господа нашего Иисуса Христа, над страною нашею и градом Липецком, да избавимся от труса, огня, междоусобныя брани, глада и мора и иныя пагубы; но да будет в нас, ходатайством твоим, святе, мир, братолюбие друг ко другу сердечное, благочестие и послушание, душевных и телесных сил крепость и здравие, радость и тишина духовная. Да тако в веце сем скоропреходящем поживше, с тобою, Святителю наш милостивый, на вечных пажитех Христовых со Всеми Святыми обрящемся, в чертозех Бога нашего, во Святей Троице от небесных и земных воспеваема и поклоняема во веки веков. Аминь.